AMFLC-in GB an hmang

Association of Mizo-ram Football Licenced Coaches (AMFLC) chuan, Inrinni khan Thara Resort, Falkland-ah General Body Meeting an hmang a, hmalakna tur hranbg hrang an sawi ho.

Coach licence hi A-B-C-D ah ṭhen an ni a, A license nei mi pakhat an awm a; B licence nei mi 10 an awm a, C license nei mi 25 an awm bakah D license nei mi 65 an awm bawk.

Constitution hrang hrang Article sawm panga (15) siam chu sawi ho a ni a, siam ṭhat ngai te siam ṭhat a nih hnuah Article zawng zawng te pawm a ni.

AMFLC hnuaiah hian sub committee pakhat Information & Publicity Sub Committee a awm a, a hming chu Information, Publicity & Documentation Sub Committee-ah thlak niin member 10 an awm. Heng bakah hian refresher course neih turin an rel bawk a ni.

MFA executive committee member Lalrengpuia chuan hun a hmanpui a, ani hian India rampum huapin Pro Licence nei mi sawm chuang awrh chuah an awm thu leh, Mizo te pawh helam kawngah hmasawn kan ngaih thu a sawi.

Portal Registration CRS & CMS, CPD chungchang Samson Ramengmawia leh Vanlalliansanga ten an sawi a; HC Zarzoliana chuan Training Plan chungchang a sawi ve thungin, R. Malsawma chuan Laws of the game chungchang a sawi ve bawk.