Sindhu leh Sen te tawpna quarterfinal

India badminton player chhuanvawr PV Sindhu chu Indonesia Masters khelh laiah quarterfinal paltlang zo loin a tla. Mipa singles lamah Lakshya Sen pawhin semifinal a in vaw kai zo lo.

Zirtawpni inkhelah Olympic medal vawi hnih dawng tawh Sindhu hi Ratchanok Intanon nen minute 33 an inkhelh hnuin 12-21, 10-21 in a chak lo zawkah a ṭang.

Player pahnih hi world champion ni tawh ve ve an ni a, theihna an nei sang takzet. Player tha pahnih inkhelah Thailand nula hian a tir aṭanga inkhel thunun chungin hnehna a chang ta zawk.

Mipa singles inkhelah, World Championship bronze medallist Lakshya chuan game a hloh hnuah a nih rual oeh thei. Mahse, seeded pathumna Chou Tien Chen lakah a tang tlang zo lo. Game hnuhnung ber hlohin, 16-21, 21-12, 14-21 in a chak lo.