Kyrgios hnehtu Murray

Andy Murray-a'n beisei phak baka ṭhain grass court season a hmang, world number 1 hlui hian Nick Kyrgios hnehin Stuttgart-a khelh Boss Open-ah final a lut.

Kum 35 mi Murray hian Australian player Kyrgios 7-6 (7-5), 6-2 in a hneh a, nizan khan Italian tlangval Matteo Berrettini nen final an khel zui, result erawh kan hre hman lo.

Britain tlangval Murray hian a khel bawrah hliam na tak a tuar a, a hliam vang hian kum thum chuang chu ngaiawh thei loin a awm tawh, 2019 hnu lamah nomawi pawh a la chawi leh miah lo a ni.

Kuminah pawh a hliam hi 100% chuan a la dam chiah lo niin a lang, clay court season pawh kha hman a tum lo. Mahse, a beisei aiin a khel thei a, clay-ah pawh inelna a hmachhawn leh hnuhnawh.

Wimbledon inbuat-saih nan grass-ah a inkhel zui a, a tum ber chu vawi hnih a champion tawhna All England Cup-a hlawhtlinna chan leh a ni.

Ruahman dan chuan tun kar chhunga khelh tur Cinch Championship-ah pawh Murray hi a inlan leh nghal ang. Wimbledon hu June 27 aṭanga khelh tur a ni ang.