Team 105 an tel tawh

LBS Suzuki All Mizoram Inter Village Football Tournament khel turin nimin tlai thleng khan hming pe tawh team 105 an awm. AMC area aṭangin team 45 an awm tawh a, AMC hnuaiah Local Council 83 an awm a, la inziak lut lo an awm nual. AMC huam chhung ni lo Aizawl District aṭangin team 12 an tel tawh bawk.

Serchhip District aṭangin team 12 an tel a, Mamit (team 11), Kolasib (7), Saitual (6), Khawzawl (4), Champhai (3), Hnahthial (2), Lawngtlai (2) leh Lunglei (1) aṭangin team inziak lut an awm tawh bawk.

Entry Fee pek hun hi July 14 thleng a ni a, la pe lo tan pek ran a ṭul ta.