Lawm hlawh Basti

Bastian Schweinstei­ger chuan Thawhlehni khan O'Hare International Airport, Chicago a thleng a, Chicago Fire fans ṭha­hnem takin German mid­fielder hi an hmuak.

Manchester Uni­ted manager Jose Mou­rin­ho-a'n Bayern Mu­nich midfielder hlui Schweinsteiger a mamawh lo a, chhawrna remchang awm theiah pawh khelhna hun a pe lo. Germany-in 2014 FIFA World Cup an champion ṭuma player pawimawh hian tun season hun tam zawk chu bench-ah hun a hmang.

Chicago Fire hian Didier Drogba an lak theih tawh loh avangin khawvel huapa lar pha Schweinsteiger an lalut thei hi chanchin lawmawm a ni. MLS club hian United aṭanga Basti lalut tur hian dollar maktaduai 4.5 an seng.