Taekwondo Championship ṭan
Nimin aṭang khan 13th Mizoram Open Taekwondo Championship 2017 chu Electric Veng YMA Hall-ah khelh ṭan a ni, Mizoram Taekwondo Assciation (MATA) buatsaih he inelna hi Zirtawpni thleng neih a ni ang.
Taekwondo Championship-ah hian district hrang hrang - Aizawl, Lunglei, Champhai, Serchhip, Lawngtlai, Kolasib leh Mamit aṭangin Taekwondoist leh official 314 (mipa 208 leh hmeichhia 107) an kalkhawm.
World Taekwondo Federation hnuaia national referee leh state referee rual technical official 20 ten inkhel an enkawl ang a, promising player leh medalist zing aṭangin National Championship hrang hrang - National Sub-Junior, Junior leh Cadet Championship lo awm tura khel tur thlan nan hman nghal a ni bawk ang.
MATA hian kum khat chhungin state level inelna vawi 3 a buatsaih ṭhin a, season tawp lama buatsaih tur Taekwondo Fight League (TFL)season hnihna atana ranking siam nan hman a ni ṭhin.