Merseyside Derby thlirtu Fowler

Liverpool legend Robbie Fowler chuan Mer­seyside Derby-a Li­ver­pool leh Everton in­hmachhawn hunah a club hlui Reds chuan an chet ṭhat an chhawm nun a beisei thu a sawi. Liverpool leh Everton hi April 1 tlai dar 5:00-ah an inhmachhawn dawn a, tun season-a an inhmachhawn hma­sak ṭumin Reds hi khual­mualah 1-0 in an chak.

Everton-in an intawn hmasakah Liverpool ngam lo mah se tun hnaia an league match hnuhnung paliah vawi thum hnehna an chang thei a, Ronald Koeman hnuaia harhtharna chang mek club hi mikhual an chakawm lo.

Mahse, Reds tana no­mawi pali lo chawi tawh Fowler chuan, "Tun hnai an inkhel kan thlir chuan Liverpool hi an chungnung zawk a ni. Everton hi an league match hnuhnungah khel ṭha mah se derby-ah chuan a dan a dang ṭhin. En mai chuan Reds hi an ṭha zawk a, khelmualah pawh chutiang tho chu a ni ang," tiin a club hlui a dah sang hle.