Wrestling inelna an ṭan

Mizoram Wrestling Asso­ciation (MWA) buat­­saih, 1st Inter Dis­trict Open Wrestling Championship leh Mizo infiamna inelna chu nimin khan Sports Authority of India, Mission Veng­thlangah ṭan a ni a, MWA vice president Lal­chhuanliana'n a hawng.

Wrestling mipa hi Freestyle leh Greco-Roman hmangin inelna hi neih a ni a, hmeichhe inelna erawh Freestyle chauha neih a ni thung. Mizo infiamnaah hian inbuan leh insuknawr hmanga inelna neih a ni bawk ang.

Mizo infiamna bik­ah hian infiammi 37 telin wrestling-ah hian in­fiammi 112 an tel a, district hrang hrang aṭanga wrestling club ten infiamna hi an chhim a ni.