AIFF-in Bhaichung sawm dawn

India legend Bhaichung Bhutia chu All India Football Federation (AIFF) technical committee chairman a nihna aṭangin chawlhtir ni mah se Indian FA chuan dinhmun thar an pek tur thu an sawi. AIFF president advisor a nihna aṭang pawha chawlhtir lo ni tawh Bhaichung hi AIFF-in karhmasa lawka sub committee nihna hrang hrang an ruahmanah a hming a lang miah lo a ni.

Bhaichung Bhutia hian AIFF technical committee-a Reliance Sports CEO Sundar Raman telh a nih chungchanga zawhna awm article chu twitter lamah a lo pholang tawh a, mah se Indian FA hian India captain hlui hi role thar pea sawm leh an tum ta tho niin a lang.

AIFF official zinga mi, a hming tarlan loh chuan, "Rei lo teah Bhaichung hnenah hian a role thar tur hi kan va chhawp dawn a ni," tiin a sawi a, India player awm tawh zinga ropui ber ang hiala sawi striker hian AIFF sawmna hi a pawm ang em, tih chu zawhna awm thei a ni.