BCA hmaah Tuikual South

Tuikual South hian an match hmasa berah Chawnpui an hneh a, chumi hnuah Mission Veng Hotshots leh Khatla TBL an ngam lo - zanin dar 8:00 hian champion lai Zarkawt BCA an hmachhawn leh ang.

Lalrina Renthei awmna BCA hian an khingpui apiang an la hneh vek a, zaninah pawh chak zawk tura rinkai an ni dawn. Tuikhuahtlang star bakah Mizo player ṭha dang an kawl hnem a, tualchhung tlangvalte hi an chakna hnar a ni ṭhin.

BCA coach Lalruatfela'n team ṭha bik an nih loh thu a sawi tawh, hei erawh a naute laka pressure siam a duh loh vang mai niin a lang. A zawna vawi thum champion thei team hi kumina an khelh tawh chinah pawh team ṭha ber an ni.

An khingpui tur an ṭhat avangin Tuikual South hi an zam ngawt bik lo ang. Phengphehlep hian tawnhriat an nei ṭha, tualchhung basketball inelna lian berah la champion chiah lo mah se an thleng sang ṭhin, zaninah pawh a dawih zawk an ni lo ang.

Season hmasa lama an intawn ṭum pawhin BCA hi 87-85 in an chak hram, an inkarah point hnih chiah a awm tihna a ni. Chuvangin zanin atan chak zawk chiangsa an awm thei lo, inkhel hmuhnawm an chhawp chhuah ngei a rinawm.