Mizoramin medal pali an hawn

Khelo India Youth Games 2021 chu June 4-13 chhung khan Panchkula, Haryana-ah neih a ni a, Mizoram aṭangin infiammi 59 an tel a, Chief De Mission leh supporting staff 13 nen an vaiin 73 lai an tel. Mizoram hian gold medal pahnih bakah silver leh bronze pakhat ve ve nen a vaiin medal pali an la a, a pumpuia an dinhmun hi he thuziah lai hian hriat a la ni lo.

Mizoram hian mipa football-ah gold medal an la a, table tennis-ah Jeho Himnakulhpuingheta'n gold medal a hlawh chhuak bawk. Boxing-ah Rudy Lalhmingmuani'n silver a hlawh chhuak a, weightlifting-ah Silvan Beihrothatlo-a'n (67 kg) ah bronze medal a la bawk.

Kum 2020-a neih Khelo India-ah khan Mizoramin infiammi 79 an tir a, official 22 nen an vaiin 101 an kal. Guwahati-a neih inlenaah khan Mizoramin medal 10 (G-3, S-2, B-5) an la a, 24-na an ni.