Sanchez leh Ozil an cham ang - Wenger
Arsenal boss Arsene Wenger chuan a player pawimawh Alexis Sanchez leh Mesut Ozil te chuan hun rei zawk cham chhunzawm turin contract thar an ziah ngei a beisei thu a sawi. Germany international Ozil leh Chile thiampuipa Sanchez te hian season khat daih bak Gunners-ah hian contract an nei tawh lo.
Kum 67-a upa Wenger chuan, "Ka hmun dan chuan anni pahnih hian hun rei zawk cham tura contract ziah an duh, an duhna hi club lam pawhin a tihhlawhtlinsak ngei ka ring," a ti.
Internationl match khela kal chhuak Sanchez-a'n champion tur team zinga tel a duh thu a lo sawi a, he thu hi Wenger chuan chhangin, "Alexis hian champion a duh thu a sawi, hei chu player zawng zawngin an duh a ni," tiin a sawi.
Arsenal manager Wenger-a contract neih lai hi tun season tawp rualin a tawp dawn a, a hma hun a la chian loh avang hian player ṭhenkhat dinhmun pawh a chian loh phah niin a ngaih theih - North London club hian Pathianni zan 8:30-ah Premier League match khel turin Manchester City an lo mikhual ang.