Bayern-in Gravenberch an lalut

German champion Bayern Munich chuan Ajax aṭangin Netherlands midfielder Ryan Gravenberch chu euro maktaduai 18.5 (£16mtd) in an lalut a, a man hi euro maktaduai 24-ah a pung chho thei ang.

Kum 20 mi Gravenberch hian kum nga daih contract a ziak. Dutch midfielder hian Ajax hi league title vawi thum a lakpui bakah ram tan vawi 10 a khel tawh bawk.

Gravenberch chuan, "Bayern aṭanga sawmna ka hmuh khan thutlukna siam turin hun rei ka mamawh lo. Nomawi ṭhahnem tak chawi turin ka zawm," tiin a sawi.

Ajax manager Eric Ten Hag-a'n Manchester United a zawm avangin Granvenberch hi Old Trafford pan tura sawi a ni. Mahse, Gravenberch chuan, "Manchester United hi club lian leh ropui tak a ni a, mahse Bayern Munich lamin min hmin hmasa zawk. Ka thutlukna zuk ka tum lo," tiin a sawi.

Bayern chief executive officer Oliver Kahn chuan, "Europe club lian hoin an lak duh a ni," tiin a sawi a, sporting director Hasan Salihamidzic chuan, "Europe-a talent nei ṭha ber zinga mi," tiin a sawi bawk.