Murray a chawl rih dawn

Andy Murray chu pum nuam lo vangin a chawl rih dawn, tunkar chhunga khelh tur Queen's Club grass-court tournament aṭangin a inhnukdawk - a duhthusam angin Wimbledon atan a inbuatsaih thei dawn ta lo.

Stuttgart Open final an khelh laiin Murray hian harsatna a nei tawh, match khel zo tho mah se a tawp lamah harsatna hian a tlak buak. Tun hnaia a khelh ṭhat chhoh lai taka a chawlh leh rih a ngai dawn tihna a ni.

Grand Slam vawi thum champion tawh Murray chuan, "A nihna takah chuan kum 2016 hnua a vawi khat nan, chawlh kar zawnin tournament ka hmachhawn. Tun hnaia ka inkhelh tam chu ka taksain a zo lo a ni mai thei," tiin a sawi.

June 27 aṭangin Wimbledon khelh a ni dawn. Vawi hnih a champion tawhna hmunah erawh inlan a la tum ruh hle, tun kar chhunga a dam hman a nih chuan grass court inelna lianah ṭha takin a khel hman ang.

Queen's Club-ah hian Grigor Dimitrov leh Marin Cilic te an inlan thei thung a, tun hma lama champion tawh pahnih hian harsa lutuk loin last 16 an inhlangkai ve ve, season hmasa finalist Cameron Norrie erawh a zinkawng a tawp.