Nations League-ah France chefuh thei lo

UEFA Nations League-ah champion lai France-in vawi li an khel tawh a, chak an la nei lo. Les Bleus hian Thawhṭanni zan khan Croatia an mikhual a, 1-0 in an chak lo. League A group 1 inkhel dangah Denmark-in Austria 2-0 in an hneh ve bawk.

Stade de France-ah Croatia-in ṭan phatah sawisel hlawh takin penalty an hmu a, captain Luka Modric rawn pen chhuakin minute ngana lekah goal awmchhun a khung. Les Bleus hian chak tumin Karim Benzema leh Kylian Mbappe te khel mah se chhanletna tur an nei lo.

Chutihrualin Croatia hian hnehna an chang nachungin France goal bawh a na hle. Nipui bazara hming langsar zinga mi Christopher Nkunku, Real Madrid lak thar Aurelien Tchouameni bakah Benzema leh Mbappe ten hun ṭha an bawhpelh.

Austria-in team enkawl turin Man United manager hlui Ralf Rangnick an lalut a, Croatia lakah 3-0 in hnehna chanpui nghal mah se chak an nei leh tawh lo. Rangnick-a hote hian an inkhelh hmasak ṭuma 2-1 a an hneh loh Denmark chu 2-0 in an hneh lo.