Inelna ka hmachhawn thei ang - Hamilton

Lewis Hamilton chuan Pathianni zana tlan tur Canadian Grand Prix-ah a inlan theih tur thu a sawi. Mercedes team tan chuan an driver intlansiak thei tur hi chanchin lawmawm a ni ang.

Azerbaijan Grand Prix an tlan ṭumin Hamilton hi a che fuh vak lo, car awm danah duhthu a sam lo a, intlansiak a hmachhawn tawh zingah chuan harsa leh hrehawm a tih zinga mi a nih thu a sawi hial.

Mahse, a dinhmun a ṭhat zui thu sawiin Hamilton chuan, "Ka hnungzâng a na, mahse na tak erawh a ni lo hlauh. A nihna takah chuan hlauthawng rilru tak chungin zanah ka mu, zingah erawh ka tho nuam viau," tiin a sawi.

Britain tlangval hian kuminah hnehna chan a la nei lo, a vawi riat nana champion a tumna chu kawng a bumboh chho ta hle. Chutihrualin season chanve pawh an la hman tlin loh avangin beiseina a la awm.