India awiawh tur Jeremy leh Zakhuma

International Weight­lifting Federation Youth World Championships 2017 chu April 3-10 chhung hian Bang­kok,Thailand-ah neih a ni dawn. He inelna hma­chhawn turte zinga ram pakhat India aiawh turin Jeremy Lalrinnunga leh Zakhuma te an kal dawn. Mizo rawlthar duh­awm pahnih te hi 56kg category-ah an khel ang.

Govt. Complex rawl­thar pahnihte hi Army Boys Institute, Pune-a inzir lai an ni a, kumin January thla aṭang khan India National Camp Patiala, Punjab an zawm. Tun ṭuma an khelh tur Youth World Championships hi nakkum October thlaa neih tur Youth Olympic Games-a inlan tur zawnna a ni nghal dawn.

Jeremy hian nikum khan Sub Junior leh Junior National-ah leh Com­monwealth Youth-ah te gold a la a, IWF Youth World leh Asian Youth-ah silver medal a la bawk. Za­khuma hi Sub-Junior National silver medal kawl lai a ni a, international level-a a inlan vawi khatna tur a ni ang.

IWF Youth World Weightlifting Champion­ships-ah India Team-ah hian mipa leh hmeichhia paruk ve ve bakah offi­cial paruk a kal dawn, Mizoram Weightlifting Association president H. Thangchungnunga chu manager a ni.