World Cup 2026-ah playoff

Football khawvela thuneitu sang ber FIFA chuan World Cup 2026 aṭanga hman tura team tel thei zat 48-a tih pun a lo rel tawh chu hmun ruak inchuh dan tur a rua­­hman a, ruahmanna langsar zingah ram paruk­in play­off hmanga hmun ruak an inchuh tur chu a tel.

January khan FIFA member-te chuan World Cup-a team tel thei zat 32 chu 48-a tihpun turin an lo pawm tawh a, tuna khawmualpui tinin team an thawh theih zat tur leh playoff khelh tura ruahmanna an siam hi May 9-a FIFA council-in a pawmpui chuan World Cup 2026 aṭanga hman ṭan nghal a ni ang.

Hmun sem dan
FIFA hnuaia confe­deration paruk ten team pakhat tal ngei ngeiin an thawh ṭheuh tawh dawn a, confederation inkara playoff awm ṭhin kha tih­boa a ni tawh. World Cup thlengtu chu kalphung pang­ngai angin tling chiangsa an ni reng ang.

Africa 9 (5 aṭangin tihsan a ni)
Asia 8 (4/5 aṭanga tihsan a ni)
*Pali tling chiang an ni ṭhin a, pangana hian CONCACAF
palina nen playoff an khel ṭhin
Europe 16 (13 aṭanga tihsan a ni)
North, Central America 6 (3/4 aṭanga tihsan a ni)
and Caribbean
*Pathum hi tling chiang an ni ṭhin a, palina hian AFC pangana
nen playoff an khel ṭhin
Oceania 1 (0/1)
*Pakhatnain CONMEBOL pangana an tum ṭhin)
South America 6 (4/5 aṭanga tihsan a ni)
*Pangana hian OFC pakhatna nen playoff an khel ṭhin