Champion lai a tla

Badminton World Federation hriatpuina hnuaia inelna ngahihhlut pakhat India Open bad­minton championship 2017 khelh mekah nimin khan hmeichhe singles champion lai Ratchanok Intanon a tla.

Siri Fort Sports Com­plex-a hmeichhe singles quarterfinal inkhelah cham­pion lai Intanon hi minute 49 chhungin South Korean star Sung Ji-hyun lakah 21-16, 22-20 in a tlawm.

Wold number 7 Rat­chanok hian kum 2013 khan Superseries title hmasa ber ni turin India Open title a la a, nikum khan a vawi hnih nan a cham­pion leh bawk - vawi thum champion a tumna kawngah erawh Sung a ngam ta lo a ni. Sung hian Ratchanok lakah vawi ruk hnehna a channa chiah a ni a, ṭum riat a ngam lo tawh thung.

Mipa singles seeded pathumna Viktor Axelsen chuan game hmasa ber a hloh zet hnuah Wang T.W chu 21-19, 14-21, 16-21 in a hneh. Kum 23-a upa Axel­sen hian khawtual tlangval Kidambi Srikanth chu last 16 aṭangin 21-7, 21-12 in a lo hneh tawh bawk.