Hazard leh Courtois an dam

Premier League hma­hruaitu Chelsea chuan zanin dar 7:30 hian Crystal Palace an lo mikhual dawn a, playmaker Eden Hazard leh goalkeeper Thibaut Courtois te chuan Ningani khan harsatna nei loin team training an zawm leh tawh avangin Palace hmachhawn thei tura ngaih an ni.

Real Madrid nena sawi zawm hlawh mek Hazard hi an league match hnuhnung bera Stoke City an hneh ṭumin a chawn na vangin a inlan thei lo tawh a, a hliam vang hian Belgium squad aṭang pawhin a inhnukdawk.

Courtois hian World Cup qualifying-ah Bel­gium leh Greece inhma­chhawn ṭumin an ram tan goal a veng a, Thawhlehni zana Russia nen an inkhelh ṭum erawhin a khel bawr na vangin a inlan lo thung.

Italian manager An­tonio Conte kaih­hruaina hnuaiah Chelsea hian Premier League an thunun mek, nikum September 24 hnu lamah point sarih bak an la hloh lo. Season hmasa a beisei phak lo Blues hian tun season-ah erawh match 28 an khelh tawhah point 69 hmuin Tottenham lakah point 10 zetin hma an hruai fal mek.