Suarez hliam an zai

Barcelona forward Luis Suarez chu nimin khan a khup dinglam hliam zai a ni a, Spanish surgeon lar Dr. Ramon Cugat chuan Uruguayan striker hi a enkawl a ni. 

Catalan club chuan an striker-in zai a hmachhawn thu hi puang mah se he thu buatsaih thleng hian a chawlh hun chhung tur erawh puan a ni lo a, khup hliam a nih avangin kar ruk tal chu a chawlh a rinawm. Barcelona hian Ningani zan khan Spanish Super Cup semifinal-ah Atletico Madrid chu 3-2 in an ngam lo a, Saudi Arabia-a inkhelah hian Suarez hi khelmualah a awm tluan.

Kum 32 mi striker hian tun season-ah Barca tan match 23 khelin goal 14 a khung tawh a, La Liga bikah assist vawi sarih nei telin league-a assist ngah ber a ni mek. Hetiang boruak karah hian Barca hian coach Ernesto Valverde chu an ban dawn nia sawi a awm a, club legend Xavi chu Barca coach thar ni turin an dawr mek niin Spanish media te chuan an tarlang