Tualchhung Cricket

Cricket Association of Mizoram (CAM) leh Natio­nal Cricket Club (NCA)-te ṭangkawp chuan March 27 - April 1, 2017 chhung khan Suaka Memorial Cricket Ground, Sihhmuiah Under 16 & Under 19 player-te tan Residential Cricket Coaching Camp an buatsaih. He coaching camp-ah hian naupang 34 an riak lut a ni.

NCA lam aṭang hian Board of Control for Cric­ket in India (BCCI) coach Satrajit Lahiri leh BCCI Fitness Coach Chinmoy Roy te chuan Mizo nau­pangte training an rawn pe. Under 16-ah hian player 16 riak lutin, Under 19-ah hian player 18 an riak lut a ni.

Mizoram cricket team chu Patna, Bihar-ah Invitational Cricket Tournament khel turin tunah hian an thang mek. He tournament-ah hian state hrang hrang aṭangin team 12 an inlan dawn a, group paliah ṭhen niin group tinah team pathum an awm a ni.