Season tawp thleng atan Pedro leh Willian

25th June, 2020

Chelsea chuan tun season tawp thleng atan Pedro leh Willian te chu an kawl chhunzawm thei dawn. Player pahnih contract hi June thla hian tawp dawn mah se club nen inremna tawi hi an siam fel thei

a ni.

Covid-19 vangin thla thum chhung vel football a khelh theih loh. Premier League chu khel ṭan leh tawh mah se season dang aiin a tawp tlai dawn a, inelna dang pawh June thlaah an khel zo hman dawn lo. Hei vang hian EPL thuneitu lam chuan player contract hi hun rei lo te atana pawhsei an phal.

Player contract neih danah June hi a tawp hun a ni tlangpui, Blues forward panih pawh hi inremna thar ziak lo mah se chhuak tur an ni. Inremna an siam takah chuan league bakah FA Cup leh Champions League quarterfinal khelh hmabak an la neihah an chhawr thei ang.