Final-ah Sania Mirza te vanduai

Pathianni zana khelh zawh tak Miami Open-a hmeichhe doubles inelna bikah Indian tennis star Sania Mirza leh a ṭanpui Bar­bora Strycova te chu final-ah an chak lo.

Indo-Cezch pair hi see­ded pawh chang phak lo Gabriela Dabrowski leh Xu Yifan te ṭangdun lak­ah darkar khat leh minute riat chung lekin 4-6, 3-6 in an tlawm.

Hmeichhe doubles world number 7 Mirza chuan, "Infiamna huangah chuan mi thar ṭha tak tak an rawn chhuak reng, chuvangin hma kan sawn lo a nih chuan miin min kalsan zel. Kan hma lawkah inelna lian kan hmachhawn zui zel dawn a, ranking lamah pawh a sang thei ang bera awm leh ka tum ang," a ti.

Dabrowski leh Xu Yifan ta hian Miami Open hma hian tournament an khel dun miah lo, BNP Paribas Open khelh laia an practice dun bak an khel dun lo - inelna lian an hmachhawn hmasak berah an hlawhtling nghal.