Baseball khelh chhunzawm dawn

Covid-19 vanga inkhelh theih loh hnuah Major League Baseball chu July 23 emaw 24-ah khelh ṭan leh tum a ni a, July 1 aṭangin training a ṭan theih ang. MLB hi Covid-19 vangin season pawh tawi a ni dawn a, match 60 chiah a 

awm dawn. 

MLB hi ṭum dangah chuan match 162 a awm ṭhin a, Covid-19 vangin March thla khan inelna hi chawlh lailawk a ni. League leh players association ten inremna an siam hnuah inelna pawh tawi an remti a, thla tharah inelna an ṭan thei ang.

MLB commissioner Rob Manfred chuan, "Major League Baseball chuan 2020 season kan chhunzawm leh thei dawn a, kan phur hle," tiin a sawi a; player, coach leh support staff-te an him theih nan ruahman ṭha tak siam a nih thu a sawi tel bawk.