TBL hmaah Hotshots fiahna

Mizoram Super League-ah hmel thar an rawn lang a, beisei phak baka ṭhain inelna bul an ṭan - Mission Veng Hotshots chuan zanin dar 8:00 hian Khatla TBL an hmachhawn dawn, an tan fiahna a ni ang.

Khatla TBL hian MSL hmasa pahnihah nomawi an chawi, a hnu lamah erawh an la champion leh thei lo. Kuminah H. Laldinsanga (Mapuia) tel loin an khel a, an player ropui leh coach ni bawk tel loin eng chen nge an thlen theih tih chu kan hre dawn.

Hotshots hian Chanmari Vikings hnehin bul an ṭan a, Zarkawt BCA ngam lo mah se Tuikual South leh Chawnpui te an hneh. Zaninah an chak leh a nih chuan 'Play In' khel turin an dinhmun a ṭha tawh viau dawn a ni.

David Lalruatfela enkawl team hian an elpui dangte aiin state pawn player an chah lut hma deuh a, inbuatsaihna an nei ṭhat chu an chhawr. US player Josua Aaron Keyes bakah tualchhung player an neih ṭhat Eddie Zaithanmawia te an pawimawh leh ang.

TBL hi dah hniam theih an ni lo, team hlun an nih avangin player naupang deuhte pawhin boruak sang an tawng ṭhang tawh. Michael Liansanga, K. Lalthianghlima, Levi Bradley Jr leh Lalliansanga te an inkawp leh a nih chuan Hotshots tan buaipui tham an tling leh dawn, inkhel hmuhnawm an chhawp chhuak ang.

Zanin Inkhel Tur
Khatla TBL 08:00 PM MSV Hotshots

June 18, Inrinni
Chanmari Vikings 08:00 PM Tuikual South