National C'ship-ah Nutei

Hero Junior Women's National Football Championship neih turah Mizo nula F. Zohmingliani (Nutei) chu match official a ni dawn. Nutei hian inelna neihna tur hmun Guwahati a thleng tawh.

June 18 aṭanga July 4 thleng tournament hi khelh a ni dawn. National referee Nutei chuan, "Ka taksa a fit ṭha, tluang leh ṭha takin match enkawl hna ka thawh theih ka beisei," tiin Vanglaini a hrilh.

Mizo hmeichhe zingah Nutei hi national referee kan neih awmchhun a ni a, ram pum huap inelna tam takah match official hna a lo thawk tawh - tournament buatsaihtu lam pawhin an sawm leh koh hlawh berte zinga mi a ni.