Quarterfinal-ah Cilic a lut

Tun hnaia khel ṭha tak Marin Cilic chuan Queen's Club grass court tournament-ah quarterfinal a lut. Nilaini zan last 16 inkhelah Cilic hian Alexander Bublik chu 7-6 (8/6), 7-5 in a hneh.

Croatian star Cilic hian 2017 khan Wimbledon final a lo lut tawh, mahse Roger Federer lakah set la loin a tlawm. Tun hnaiah a khelh ṭhat avangin grass court inelna lian ber atan pawh beisei a nei sang khawp ang.

Kum 33 mi Cilic-a'n French Open-ah pawh khan semifinal a thleng, a tum ram thleng zo chiah lo mah se a kum tam hnuah season a hmang ṭha viau a, champion tur erawh chuan hmabak a la ngah.

Inkhel dangah Denis Shapovalov erawh a chak lo. Canadian player hi seeded parukna hial ni mah se, player langsar pawh ni lo Tommy Paul lakah 6-4, 2-6, 6-4 in a tlawm, hun pawimawh laia a service vawi hnih a hloh chu a tuar.