Warriors champion hun?

Golden State Warriors chuan tukin dar 6:30 hian Boston Celtics an tlawh. Stephen Curry awmna Golden State hian hnehna an chang a nih chuan NBA champion an ni ang, an chak lo a nih erawh chuan game 7 an khelh a ngai dawn.

Curry chuan, "Hetiang hun hi chu tun hma pawhin kan tawng tawh. A pawimawh ber chu kan khelh hmabak minute 48 hi a ni," tiin a sawi a, engmah sawi lawk a la remchan loh thu a sawi bawk.

Guard Curry bakah Klay Thompson leh Draymond Green te hi Warriors tana an awm hona a rei tawh, tawnhriat an ngahin anmahni aia tawnhriat nei tlem Celtics lakah an ding chang thei dawn em, tih chu kan hre thuai dawn.

NBA Finals
Results & Fixtures
Game 1: Golden State 108 - 120 Boston Celtics
Game 2: Golden State 107 - 88 Boston Celtics
Game 3: Boston Celtics 116 - 100 Golden State
Game 4: Boston Celtics 97 - 107 Golden State
Game 5: Golden State 104 - 94 Boston Celtics
June 17, Zirtawpni
Game 6: Boston Celtics 06:30 AM Golden State
June 20, Thawhṭanni
Game 7: Golden State 06:30 AM Boston Celtics
(Series-ah Golden State hian 3-2 in hma an hruai)