Srikanth leh Sen-a te an tla nghal

Indonesia Open bad-minton tournament khelh laiah, India mipa player ṭha pahnih Lakshya Sen leh Kidambi Srikanth te chu an match hmasa berah hneh nei loin an tla nghal.

World number 8 Sen-a hi India player dang H S Prannoy lakah 10-21, 9-21 in a chak lo. World number 11 Srikanth pawh Brice Leverdez hmaah 21-23, 10-21 in a tlawm.

Kum 36 mi Leverdez nen vawi ruk an in tum tawhnaah Srikanth hi a vawi khat nan a chak lo, hliam vangin thla khat chuang a chawl hlim a ni a, inkhel turin lo kir leh thei tawh mah se beisei erawh a la phak lo.

Mipa doubles lamah M R Arjun leh Dhruv Kapila te ṭangdun chuan, anmahni aia ṭha zawka ngaih Japanese pair Kelichiro Matsui leh Yoshinori Takeuchi te chu 27-25, 18-25, 21-19 in an hneh ve thung.