Iannone thlaktu tur Smith

MotoGP team Aprilia chuan an rider Andrea Iannone chu hrem vangin an chhawr thei dawn lo a, a hmun ruak luah tur hian test rider atana an hman lai Bradley Smith an hman tur thu an tichiang.

Season hmasa Malaysian Grand Prix an tlan vel bawrah khan Iannone hian intih chakna dawmdawi hman phal loh a hmang tih hriat a ni a, dan a bawhchiat vang hian thla 18 atan an hrem. 

Hrem a nihna hi Court of Arbitration for Sports (CAS) hnenah khinglet mah se, infiamna lama thubuai ngaihtuahtu sang ber CAS hian an la ngaihtuahsak rih lo.

Bike intlansiakna sang ber MotoGP hi coronavirus avangin an khaihlak rei ta hle. Tun season atana intlansiak hmasa ber turin July 19 hian Jerz tlan kawngah Spanish Grand Prix chu tlan theih an beisei.