Pakistan cricketer 7-in Covid-19 kai belh

Pakistan Cricket Board-in Thawhṭanni khan cricketer pathum Shadab Khan, Haris Rauf leh Haider Ali ten Covid-19 an vei thu an puang a, Thawhlehniah pasarih dangin coronavirus an vei thu an puang leh bawk.

Kai thar pasarihte hi Fakhar Zaman, Imran Khan, Kashif Bhatti, Mohammad Hafeez, Mohammad Hasnain, Mohammad Rizwan leh Wahab Riaz te an ni a, team masseur Malang Ali-a'n a kai bawk. Pakistan team chhunga Covid-19 kai 11 te hi an in lamah khawng taka quarantine kalpui tura hriattir an ni.

Player leh management staff-te hian nimin khan test an hmachhawn leh ang a, heta negative-te chauh hian vawinah England an pan ang. Player positive tawhte hi an negative an nih pawhin England pan tur chuan vawi hnih test-a an negative phawt a ngai ang. 

Pakistan hian June 28 aṭangin England nen an inkhel dawn a, Test leh Twenty20 match thum ve ve an khel ang.