Murray-a'n hnehna a chang

Thla sarih chuang a inkhelh loh hnuah Andy Murray a inkhel thei ve leh ta a, world number 1 hlui hi British exhibition-ah inlanin a match hmasa berah hnehna a chang nghal.

Thawhlehni zan inkhelah Murray hian Liam Broady chu 6-2, 6-2 in a hneh, entu awm loa inkhelah Grand Slam vawi thum champion tawh hian hnehna chang turin harsatna a tawk lo.

Kum 33 mi Murray chuan, "Ka che vel a zangkhai a, harsatna ka nei lo. Hun rei tak hnua inkhel ve leh chauh ka ni a, a bik takin ṭha taka ka service thei kha ka lawm," a ti. Murray hi hliam hrang hrang vangin season thum deuh thaw chu a inkhel mumal tawh lo a ni.