Mangṭha Krismas; Hello Kumthar lawmawm!

Liverpool tan December-ah fixture a hautak a, November-a khawthlang media te titi tui ber chu thlasik khawvawt hnuaia Reds-in fixtures hautak an hmachhawn dan tur chu a ni. 

Mahse, ni 17 chhunga match ruk khel Liverpool an talbuai lo a, chumi pholangtu chu Club World Cup leh Premier League-a an result a ni - Krismas urlawka kan buai mup mup lai khan English club hian Club World Cup nomawi an chawi. 

Qatar-a neih inelnaah hian Liverpool hian South American champion Flamengo chu 1-0 in an hneh a, December 21 zana inkhela goal awmchhun hi extra time-a Roberto Firmino goal khung a ni. 

Liverpool-in a vawi khat nan Club World Cup nomawi an chawi a, English club zingah kum khata Champions League, UEFA Super Cup leh Club World Cup nomawi chawi thei hmasa ber record an siam. December khan Reds hian inelna hrang hrangah match kua an khel a, match khat chiah an tlawm - an tlawm pawh hi League Cup quarterfinal-a Aston Villa an ngam loh chu a ni a, senior player-ten CWC an khelh avangin player naupang rualin an khel.