Johanna Konta a inhnukdawk

Miami Open cham­pion hlim Johanna Konta chuan tun kar chhunga clay court tournament khelh tur Charleston Open-ah a dar (shoulder) hliam vangin a inlan theih loh tur thu a sawi.

Britain number 1 Konta hian Inrinni zan khan Caroline Wozniacki 6-4, 6-3 a hnehin kumina a nomawi pathumna a chawi a, WTA ranking chhuak thar berah world number 7 a ni. Charleston Open hi khel ta se chuan ranking sang ber a ni thei dawn, a inlan dawn loh avang hian world number 11 Madison Keys chu seeded pakhatna a ni ang.

Kum 25-a upa Konta chuan, "Charleston-a in­khel hi ka chak a, season tir aṭanga inlan ka tumna hmun pakhat a ni. Mahse, Miami Open kan khelh lai khan ka dar (shoulder) a hliam a, tunah hian enkawl mek a ni - inkhel turin ka la inpeih lo," tiin a sawi.