Roger Federer a sang zual zel

Roger Federer-a'n world number 17 ni chungin kum bul a ṭan a, Thawhṭanni tlaia ARP Ranking chhuak thar berah chuan Federer hi number 4 a ni der tawh!

Kum 35-a upa Federer hian tun season-ah Austra­lian Open, Indian Wells leh Miami Open nomawi a chawi tawh. A kum a tam deuh tawh avangin tournament zawng zawng khelh a tum tawh lo, kumina Grand Slam pahnihna tur French Open hma chuan clay court tournament-ah a inlan tawh loh tur thu a sawi chiang tawh.

Hranghlui Andre Agassi kha kum 33 leh thla li a upa a nihin world num­ber 1 a ni thei, Agassi aia number 1 ni thei upa an la awm lo. A vanglaia chawlh­kar 302 chhung zet world number 1 ni tawh Federer hian ranking hi a ngaihpawimawh ber a ni tawh lo tih a chiang, chutihrualin tun ang zela a khel ṭha a nih chuan a chung berah a awm leh a nih pawhin a mak lo ang.

Grand Slam vawi 14 champion tawh Rafael Nadal pawhin ranking-ah hmasawn hretin palina a ni leh tawh, a sang zual 10 zingah Kei Ni­shi­kori chu pangana aṭang­­a pasarihnaah tla thlain tlahniam nasa ber a ni. A sang pathum - Andy Mur­ray, Novak Djokovic leh Stan Wawrinka te an din­­hmun a danglam lo thung.

ATP Ranking Thar Ber
# Player Ram Points Sanna/
Hniamna
1 Andy Murray GBR 11,960 (-)
2 Novak Djokovic SRB 7,915 (-)
3 Stan Wawrinka SUI 5,785 (-)
4 Roger Federer SUI 5,305 (+2)
5 Rafael Nadal ESP 4,735 (+2)
6 Milos Raonic CAN 4,345 (-1)
7 Kei Nishikori JPN 4,310 (-3)
8 Marin Cilic CRO 3,385 (+1)
9 Dominic Thiem AUT 3,385 (-1)
10 Jo-Wilfried Tsonga FRA 3,265 (-)