Rii & Hawla Inter Village Vawiinah semifinal khelh a ni dawn

Champhai DFA-in a buatsaih Rii & Hawla Inter Village Football Tournament 2017 chu vawiin hian Chhangphut Field-ah semifinal khelh a ni dawn. Chawhma dar 11:30-ah Hnahlan leh Vengthlang an inkhel ang a, chawhnu dar 2:00-ah Khawzawl Vengthar leh Zotlang an inkhel leh ang.

Champhaia veng leh khua inelna lianah hian team 35 an tel a, knockout-a khelh a ni. Inelna hi March 21 aṭanga khelh ṭan niin April 7, Zirtawpni hian final khelh a ni ang.

Hnahlan leh Vengthlang

Hnahlan hian semifinal lut turin goal khat chiah an la chhuah a, goal 10 an khung tawh. Goal khung thei player an ngah avangin Vengthlang tan dan an harsa dawn a, an match hmasa bera Tuipuiral champion Khuang­leng 4-0 a sawp thei an ni.

Vengthlang hian match thum an khelh tawhah goal thum an khung ziah a, MFA Cup 2017 top scorer Isaac Lalrinngheta khelhna a ni miau a, goal an khung thei hi a mak lo. Amaherawhchu match tinah goal hnih an chhuah ziah bawk tih hriat tel a ṭha, final thleng tur chuan tlarhnung an thawm ṭhat a ṭul ang.

2016 Final Rematch

Khawzawl Vengthar leh Zo­tlang hi nikum final-ah an in­tawng tawh a, Khawzawl Vengthar an champion. Hemi

ṭuma best player erawh Lalchhan­chhuaha niin tun ṭumah hian Zotlang midfield khaipa a la ni a, Chhinga Veng player hlui Zonunthara te chawm theih turin a la nei a, dan an awlsam dawn lo.

Khawzawl Vengthar hi F. Lalchhanchhuaha (Achhana) coach-na hnuaiah an khel a, assistant coach Lalnaua hian Luangmual FC leh FC RS Annexe te a enkawl tawh. MPL5 best goalkeeper Malsawmdawngzela leh Chhinga Veng FC forward PC Vanlalhmangaihzuala te kawl mah se final lut tura rinkai zawk erawh Zotlang an ni.

Zotlang hi Dinthar FC coach hlui Lalrintluanga (Saitea) hnuai­­ah an khel ṭha a, player an nei ṭha tel bawk. Saitea hian tlarhmaah tun inelnaa goal khung tam ber (goal 5) Lalhmuchhuaka a nei a, tlar­hnung­ah NECS Cup 2017-a Chhinga Veng champion puitu K. Lalthlahlova a chhawr thei bawk ang.

Semifinal Kalkawng
HNAHLAN
Hnahlan 4 - 0 Khuangleng
HNA : KL Hnunkhuma, Tlangthanpuia, Lalhuapzauva,
Malsawmdawngliana
Hnahlan 3 - 1 Khawzawl Zuchhip
HNA : Zaremsiama Chhangte, Ramengmawia (2)
KHA : Lalhmangaihtluanga
Hnahlan 2 - 0 Kahrawt
HNA : Lalramkima, Lalhuapzauva
Hnahlan 1 - 0 Venglai
HNA : Sainghinglova
VENGTHLANG
Rabung 2 - 3 Vengthlang
RAB : Laldinpuia, Hmingchungnunga
VEN : Jesy Lalmawizuala, Isaac Lalrinngheta, Lalrinawma (P)
Vengthlang 3 - 2 Kanan II
VEN : Jonathan Lalsiamthara, Lalhriatpuia, Isaac Lalrinngheta
KAN : Lalruatkima, Lalramnghaka
Vengthlang 3 - 2 Tuipui
VEN : Lalrinawma (2), Lalhriatpuia
TUI : Vanlalpeka (2)
KHAWZAWL VENGTHAR
New Champhai 0 - 0 Khawzawl Vengthar
Penalty shootout-ah Khawzawl VT 4-3 in an chak
Khawzawl Vengthar 3 - 1 Vangchhia
KHA : Rohlupuia, Lallawmkima, Sangdingliana (OG)
VAN : Vanlalzawta
Khawzawl Vengthar 2 - 1 Ruantlang
KHA : Lallawmkima, Lalfakawma
RUA : Isaac Vanlalhriatkima
ZOTLANG
Zotlang 1 - 1 Vengthar
Penalty shootout-ah Zotlang 5-4 in an chak
ZOT : Lalhmingchhuana
VEN : Mark Ngaihte
Zotlang 5 - 2 Ngaizawl
ZOT : Lalhmuchhuaka (3), Ramnunsanga, Lalnunzira
NGA : Hausiankapa, Tawngte-a
Zotlang 5 - 0 Dilkawn
ZOT : Jeru-a (2), Lalhmuchhuaka (2), Roluahpuia