Juventus-ah rawlthar Bentancur

Italian champions Juventus chuan Boca Ju­niors aṭangin rawlthar Ro­drigo Bentancur an lalut dawn. Midfielder Ben­tancur hian medical test nei turin Turin a pan tawh.

Kum 19-a upa Ben­tancur hi Uruguay Under-20 player niin Ar­gentine club Boca Juniors aṭanga inzir chhuak a ni.

Kum 2015 June thla a Juve-in Carlos Tevez an hralh khan Italian club leh Boca Juniors hnenah Bentancur an lakluh theihna turin inremna an lo neih pui nghal a ni.

Serie A hmahruaitu Juventus hian kartawp lea­gue match inkhelah Napoli chu 1-1 in an in­hneh­tawkpui, zanin dar 12:15 hian Napoli nen hian Coppa Italia semifinal second leg an khel zui leh nghal ang.

Massimiliano Allegri enkawl Juve hian league-ah point rukin hma an hruai fal tawh a, match riat chiah khelh tur an nei tawh.