Inter Milan beiseina thamral

Thawhṭanni zan Italian Serie A inkhelah season thara Champions League khelh tum Inter Milan chu an mikhual Sampdoria lakah 2-1 in an tlawm.

San Siro-a inkhelah Inter hian Danilo D'Ambrosio hmanga goal hma­hruai an khung chu mikhual tan Patrik Schick-a'n a sut a, hun tawp hma minute nga chauh a amw tawh tihah Fabio Quagliarella chuan penalty aṭangin Sampdoria chakna goal a khung.

Inter hian point an hmuh belh loh avangin Serie A table-ah parukna an nih chhunzawm a ṭul a, Champions League khel thei dinhmuna awm pathumna Napoli an phak lohna chu point kua zet a nih tak avangin an hna a harsa tawh dawn hle.

Inter coach Stefano Pioli chuan, "Hun ṭha kan bawhpelh a ni, kan chunga awm ten point an hloh avangin a chunglama lawn theih nan kawng a inhawng, chutihlaiin kan tlawm ta si. Tunah chuan engtiang a sang nge kan thlen theih tih hi thlir tawp a ngai tawh," tiin a sawi.