Saidan Football Academy Trial

Sports & Youth Services Department chuan June 21-24, 2022 (dar 10:00 am) chhung hian RSTC Saidan Kolasib Football Academy 2022-2023 session-a awm tur trial chu RG Stadium-ah a buatsaih dawn.

SYS enkawl football academy hi kum 14 hnuai lam mipa tan a ni a, an kum a dik ngei tih finfiah nan aadhar card/birth certificate ken tur a ni. Football dress kimchang nen trial hi hmachhawn tur a ni a, tiffin in pai tur a ni bawk.

Khelo India-a Mizoram champion player ṭhahnem zawk kha Saidan Football Academy chhuak an ni a, he academy aṭang hian ISL thlenga player langsar ni phak Lalengmawia (Apuia), Jerry Lalrinzuala, Isaac Vanmalsawma bakah player ṭhahnem tak an lo inzir tawh a ni.