AFC C License Coach thar 14

All India Football Federation leh Mizoram Football Association ṭangkawpin an buatsaih, Asian Football Confederation 'C Diploma Coaching Course' tun hnaia zawh takah Mizo coach 14-in hlawhtlinna an chang.

AFC C License Course hi Saidan, Kolasib-ah December 10-16, 2021 khan Module 1 neih a ni a, May 6-10, 2022 khan Module 2 neih leh a ni a, instructor chu Mariano Diaz, Goa a ni.

MFA chuan an thuchhuah siamah Mizo coach ṭhahnem takin hlawhtlinna an chan avangin lawmawm an tih thu an sawi a, he course kalpuina tura kawng engkima puitu Mizoram Youth Commission leh course neih laia a ṭul apianga buaipuitu Kolasib DFA chungah lawmthu an sawi bawk.

He coaching course buaipuitu, Chief Coordinator chu Lalrawngbawla (MFA Assistant Secretary) a ni a, football coach pahnih Samuel Lalrinngheta leh C. Lalruatfela te chu coordinator an ni.

MFA hian Mizoramah level hrang hrangah football coaching course buatsaih chhunzawm zel a tum.