Lungleiah CRS training an nei

Nimin khan Mizoram Football Association chuan Lungleiah Centralised Registration System chungchang training a buatsaih.

He hunah hian District Football Association pali - Hnahthial, Lawngtlai, Lunglei, Siaha aiawhten MFA Season thar aṭanga hman tur player inziah luh dan thar an zirho a, Samson Ramengmawia, Secretary, MFA Registration Committee-in training hi a kaihruai a ni.

CRS training hi June 10 khan Aizawl, Mamit, Kolasib, Saitual leh Serchhip-ah neih a ni tawh a, Khawzawl leh Champhai District-ah la neih leh tur a ni.

CRS kalpui a nih hnu hi chuan MFA leh DFA hnuaia player-te nihna kimchang, an pian kum leh an khelh meknate kimchang takin a hmuh theih vek tawh dâwn a, hei hian kawng hrang hrangah awlsamna a thlen ang a, tualchhung football tan hmasawnna rahbi thar a ni.