Spurs-in Chhetri an lawmpui

India captain Sunil Chhetri chuan Premier League club Tottenham Hotspur hnen aṭangin lawmpuina a dawng. Kum 37 mi Chettri hian AFC Cup Qualifying round match thum khelhah goal li a khung a, ram tan goal 84 khungin Hungary player ropui Ferenc Puskas-a goal khung a nihrual.

Tottenham chuan, "Footballer ropui Ferenc Puskas-a'n ram tana goal khung zat goal 84 i nih rual avangin kanlawmpui a che," tiin twitter kaltlangin lawmpui thu an ziak.

Chhetri hian ram tan match 129 khelin goal 84 a khung a, ram tana goal khung tam lamah Lionel Messi (86), Mokhtar Dahari (89), Ali Daei (109) leh Cristiano Ronaldo (117) te chiah a tluk lo.

India captain Chhetri chuan, "Dik taka sawi chuan record ka ngai pawimawh lo a, mimal hming ṭhatna hi ka dah pawimawh lo. Kei chuan football-a ka hun tawn hnuhnung hi nuam ti taka hman ka duh," tiin a sawi.

Chhetri chet ṭhat zarah hian India-in AFC Asia Cup khel turin an tling a, kum 2023-a neih tur inelnaah hian team 24 an tel ang.