Leeds United-in Roca la dawn

Leeds United chuan Bayern Munich aṭangin midfielder Marc Roca chu pound maktaduai 10-in an lalut dawn. Spain Under 21 international hlui hian nimin khan medical a nei a, he thu i chhiar meuh chuan a lut fel tawh hial ang.

Kum 25 mi Roca hian season hnih chhungin Bavarians tan match 24 a khel a, goal a khung lo. Spanish midfielder hian kum 2020 khan Espanyol aṭangin Allianz Arena hi a zawm a, kum nga daih contract ziak mah se kum hnih chauh a khel a ni.

Leeds hian Roca an lak hma hian Red Bull Salzburg duo Brenden Aaronson leh Rasmus Kristensen te an lalut tawh bawk.