Champion lai Watson chak nghal

Women's Tennis Asso­ciation (WTA) hnuaia hard court tourtnament pakhat, Monterrey Open khelh mekah champion lai Heather Watson chuan a match hmasa berah hnehna a chang nghal.

Thawhlehni zan Mexico-a inkhelah kum 24-a upa Watson hian darkar hnih leh minute 52 chhungin world number 126 Nina Stojanovic lakah 6-2, 6-7 (7-9), 6-4 in hnehna a chang.

Inkhel dangah world number 1 Angelique Ker­­­ber chuan fiahna a hmachhawn nghal. Ger­­­man nula hian a khingpui Italian veteran Francesca Schiavone chu 4-6, 6-0, 6-4 in a hneh. Kerber hian zanin dar 8:30-ah Mandy Minella a hmachhawn leh ang.