Everton tan Davies a rinawm
Rawlthar duhawm Tom Davies chuan Everton tana rinawmzia lantir nan kum nga daih contract thar a ziak. Kum 18-a upa midfielder hian tun season-ah a club tan inelna hrang hrangah match 17 khel tawhin Premier League match 10-ah inkhel bul ṭantu zingah a tel.
Everton academy aṭanga inzir chhuak Davis hian season hmasa an match hnuhnung berah khan senior team tana a match hmasa ber a khel ṭan a, Toffees tana a goal hmasa ber chu Manchester City lakah January thla khan a khung.
England tana kum bithliah inelna hrang hranga inlan tawh Davis chuan, "Everton first team tana ka khel ve phak mai hi ka lawm hle a, he academy a naupang duhawm tak takte pawh hian keimah ang hian inelna sang hmachhawn turin an tan kawng a inhawng a ni tih an hriat theih phah ka beisei," tiin a sawi.