Warriors chakna Thompson

Golden State Warriors chuan nimin zing khan an mikhual Minnesota Tim­berwolves chu 121-107 in an hneh. NBA regular sea­son kal laiah Warriors hian a zawnin match 12 chhung hnehna an chang tawh.

Oracle Arena, Oak­land-a inkhelah Golden State tan hian Klay Thompson chuan point 40 zet score-in player langsar leh thawhhlawk ber a ni chiang hle. American star hian NBA chanchinah game khata point 40 a score tlin vawi 10-na a ni.

Warriors tan hian NBA Most Valuable Player ni lai Stephen Curry chuan point 19 a score bakah assists vawi kua a nei bawk. Inkhel bul ṭantu zinga tel phak Matt Barnes-a'n point 12 a score bakah rebounds vawi ruk lain assists pali a nei bawk.

Western Conference hma­hruaitu Warriors hian tun season-ah match 64 hnehna an chang tawh a, ṭum 14 an chak lo ve tawh bawk. Tukin zing dar 7:30 hian Phoenix Suns nen an inkhel leh nghal ang.