Sunrisers Hyderabad batsman Yuvraj Singh a la chul lo

Kum 35-a upa Yuvraj Singh-a'n a kum ala upa lo tih pholangin Indian Premier League match hmasa berah ball 27 hmachhawnin run 62 a vaw chhuak nghal - Nilaini zan khan a team Sunrisers Hyderbad chu Royal Challengers Bangalore lakah run 35-in hnehna a chanpui a ni.

Rajiv Gandhi International Stadium, Hyderabad-a inkhelah SRH an bat hmasa zawk a, over 20-ah run 207 vaw chhuakin wicket li chiah an hloh. Hyderabad tan hian Yuvraj Singh bakah Shikhar Dhawan (40 runs) leh Moises Henriques (52 runs) an che ṭha a, RCB bowler-ten tih theih an nei lo.

Bangalore bat hun a thleng a, hliam vanga inlan thei lo Virat Kohli tel loin RCB batting-in beisei a phak lo. Opener Chris Gayle-a'n run 32 a vaw chhuak a, Travis Head (30 runs) leh Kedar Jadhav (31 runs) te che chhe hran lo mah se batsman zingah run 40 vaw kai thei an awm loh an tuar - over 19.4-ah run 172 chiah siamin an vaiin an out vek a ni.

Zanin dar 8:00-ah inkhel a awm lehnghal dawn a, Gujarat Lions chuan Kolkata Knight Riders an mikhual dawn.