Aizawl FC zin chhuak

I League hmahruaitu Aizawl FC chuan league match khelh chhunzawm turin nimin khan Aizawl an chhuahsan. Khalid Jamil-a naute hian Bengaluru FC chu April 9-ah an hmachhawn dawn a, Bangalore-a an inkhelh zawhah April 15-a Churchill Brothers hmachhawn turin Goa an pan leh ang.

Aizawl FC hian Bengaluru hi an intawn hmasak ṭumin RG Stadium-ah goal khat ve ve khung­in an inhnehtawkpui a, Churchill hi 3-1 in an lo hneh tawh bawk. Amahe­rawhchu, Goan club hian coach thar Derrick Pereira hnuaiah harhtharna an chan avangin Aizawl an hmachhawn hmasak ai khan an ṭha tawh zawk.

Aizawl FC squad zin te:
Goalkeepers: Albino Gomes, Lalawmpuia
Defenders: Lalramchullova, Zohmingliana, Lalṭhakima, Lalruatthara, Lalrinzuala, Ashutosh Mehta, Eze Kingsley
Midfielders: V. Lalṭanpuia, Mahmoud Al Amna, Alfred K Jaryan, Jayesh Rane, Albert Zohmingmawia, Brandon Vanlalremdika, Laldanmawia, H. Lalmuankima
Strikers: Jonathan Lalrawngbawla, Kamo Stephane Bayi, William Lalnunfela
Coaching Staff: Khalid Jamil (coach), Siddique Abdul Azim (assistant coach), Hmingthansanga Zadeng (team manager), RK Zothanpuia (physio).