Venus leh Keys an tla nghal

Women’s Tennis Association (WTA) Charleston clay court tournament-ah beisei loh result kan hmu nghal. Nilaini zan khan seeded pakhatna Madison Keys leh world number 1 hlui Venus Williams te chu an match hmasa berah an chak lo nghal.

Keys hi khawtual nula Shelby Rogers lakah 4-6, 6-1, 6-1 in a chak lo a, inkhel dangah kum 36-a upa Venus chu German nula Laura Siegemund-i chuan 6-4, 6-7 (3/7), 7-5 in a hneh thung.

Grand Slam vawi sarih champion tawh Venus hian Indian Wells-ah quarterfinal a thlen bakah Miami Open semifinal thleng hlim a nih avangin Charleston-ah beiseina sang tak nen a inlan, mah se set khatna holam taka a hloh hnuah set hnuhnung berah a chak lo zui bawk.